ОСНОВНИ НАЧЕЛА

  1. Овој кодекс е наменет за сите вработени во ПОУ „Иднина“ - Скопје.
  2. Кодексот ги дефинира правилата на однесување во училиштето кон кои треба да придржуваат сите вработени.
  3. Овој кодекс е изготвен во согласност со моралните правила и норми на однесување, а воедно дава насоки за решавање на проблемите со кои се сретнуваат вработените.
  4. Со применување на кодексот, вработените даваат полн придонес во подигнување на квалитетот на воспитно-образовниот процес и во градењето на позитивна работна клима и промовирање на училиштето.

ЗАКОНИТОСТ ВО РАБОТЕЊЕТО

Сите вработени се должни да го почитуваат и применуваат начелото на законитост во работата кое се заснова на следниве закони, прописи и правилници:
  1. Закони и прописи на Р Македонија со која е регулирана воспитно-образовната дејност;
  2. Статутот на Посебното основно училиште;
  3. Сите други одлуки, нормативи и важечки акти изготвени од училиштето;
  4. Да ги реализира и извршува одлуките и наредбите на раководниот орган;
  5. Секој вработен е должен да овозможи непречена контрола и ревизија на неговото работење, како од внатрешни така и од надворешни овластени органи.

КОМУНИКАЦИЈА

  1. Сите вработени се должни да се однесуваа професионално, чесно и непристрасно;
  2. Воспитно-образовниот процес треба да претставува највисок императив во професионално однесување;
  3. Не треба да постои дискриминација по однос на пол, раса, националност, социјален статус, политичко убедување, вера, имотна и општествена положба.
  4. Во текот на своите секојдневни активности, вработените се должни да ги применуваат сите правила на пристојно однесување како што се:
  • при решавање на проблемите да бидат мирни, сталожени и трпеливи без да користат навредливи зборови,
  • да избегнуваат расправии, провокации и конфликти,
  • да се воздржуваат од давање какви било изјави и информации од доверлив карактер за училиштето и дејноста.

ПРОФЕСИОНАЛНО ОДНЕСУВАЊЕ

  1. Сите вработени се должни да се придржуваат кон одредбите на Куќниот ред; 
  2. Вработените се должни да ги извршуваат своите задачи стручно и компетентно;
  3. Вработените се должни да ја почитуваат службената хиерархија во училиштето;
  4. Сите вработени се должни да го чуваат имотот и средствата за работа;
  5. Самоиницијативно да го подобруваат своето стручно знаење (обуки, семинари, проекти, трудови и др.)
  6. Секој вработен е должен да го попурализира својот предмет и училиштето преку натпревари,трибини, јавни настапи и др.
  7. Вработените не смеат да учествуваат во какви било активности што можат да му наштетат на угледот на училиштето;
  8. Вработените во ниту еден случај не смеат да ја злоупотребуваат својата професија.

НАСТАВНИКОТ И ЧАСОТ

  1. Навремено да го започне часот;
  2. Редовно да го евидентира часот и отсутните ученици;
  3. Да не дозволува нарушување на наставата со телефонски разговори и посети од надворешни лица; 
  4. Да овозможи поттикнувачка, позитивна и релаксирана атмосфера;
  5. Да ги ангажира сите присутни ученици во согласност со нивните психофизички карактеристики и капацитети;
  6. Да ги применува сите најсовремени наставни технологии.

НАСТАВНИКОТ И СТРУЧНИТЕ СОРАБОТНИЦИ

  1. Стручниот соработник кон учениците и вработените да се однесува како кон субјекти и соработници со примена на постапките кои се во духот на современите педагошко-психолошки текови и норми:
  • да има определени термини за работа со наставници и родители;
  • да ја почитува личноста на ученикот;
  • да се грижи за соработка со родителите непосредно и ефикасно;
  • професионално и чесно да се однесува кон секој ученик и родител;
  • да е праведен, хуман, објективен, непристрасен, одмерен и доследен; да го поттикнува интересот и ангажирањето на родителите во решавањето на проблемите со учениците;
  • при решавање на проблеми од личниот и семејниот живот да се води сметка за потполна професионална дискреција - во работата не смее да ги искажува своите политички, верски, расни убедувања;
  • во работата со учениците и родителите не смее да пројавува агресивност, нетолерантност, апатичност, депресивност, некомуникативност и слично.

ЗАВРШНИ ОДРЕДБИ

  1. Овие барање и начела можат да се дополнуваат, прошируваат и усовршуваат.
  2. Етичкиот кодекс го донесува Училишниот одбор.